كنيسة العائلة المقدسة الكاثوليكية


منتدى مسيحى كاثوليكى يهدف لتصحيح المفاهيم ونقل الاخبار بمهنية
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول
اهلا ومرحبا بكم فى منتدى stars-new2day لازهار المواهب فى العالم العربى والعالم الغربى والان نعلا عن افتتاح باب الترشيح لكى تصبح من اول المشرفين على المنتدى تفضلوا بترشيح انفسكم
شاطر | 
 

 تدريبات تخص النفس وتحسين الصوت وتدريبات جميلة وسهلة للصوت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
fady saad
المراقب العام
المراقب العام


الدولة:
المزاج:
عدد المساهمات: 13
تاريخ التسجيل: 12/06/2010
العمر: 21
العمل/الترفيه: الغناء والتأليف والقليل من التلحين

مُساهمةموضوع: تدريبات تخص النفس وتحسين الصوت وتدريبات جميلة وسهلة للصوت   الجمعة يونيو 18, 2010 12:00 am

ندخل فى الموضوع علطول


فى معانا اصوات كتير جميله اوى اوى اوى

بس لما بنرد عليها دايما بنقول محتاج تدريب

كتير كلمونى وقالولى تدريب ازاى يعنى ؟

هل مثلا التدريب انى افضل اغنى طول النهار واقرف الناس الى حواليا

ولا مثلا امشى فى الشارع اقول أأه واعرب فى الشارع علشان يبقى الصوت مفتوح

ولا اضرخ ولا اعمل ايه

وزى ما احنا عارفين اسعار تدريب الصوت واى شغل فويس بيكون غالى وكده

وبعدين يقولى انا اتخنقت وكلام كبير كده

دلوقتى بقه هنقول يعنى ايه تدريب

ازاى ادرب نفسى

اغلبيتنا بيلعبو الات والكتير منهم جيتار وفى اورج

كلنا حافظين السلم الموسيقى طبعا

كلنا نقدر نعمله بصوتنا

دو رى مى فا صول لااا سى دو

هنعمله بصوتنا ونطول فى كل واحده

بس هنعمله مع اله يعنى مثلا اشوف اورج واعمل معاه علشان الطبقه تتظبط

او جيتار واعمل معاه

دا تدريب الطبقات

كمان هنعمل تدريب فتح صوت هنقول أأه وتطلع بالطبقات عااااااالى وتبدأ من اقل طبقه عندك

على فكره كل البشر طبقات صوتهم واحده بتفرق من حده الصوه او خشانته بس

طيب فى ناس تانيه بنقولهم انت محتاج تدريب نفس يعنى نفسك يذيد

تدريب النفس صعب شويه فى الاول بس بعد كده بيكون سهل

هتمسك ستوب وتش

وتقول اه بطبقه واحده ومن غير تدريج يعنى تفضل فى نفس الطبقه الى بدأت بيها

وتعد بالاستوب وتش

اغلبيتنا هنجيب فى اول مره مثلا 10 ثوانى

ريح وعيد تانى هتجيب 12 ومتبصش فى الاستوب وتش وانت بتقول اه لان التحدى فى النقطه دى ممكن يضيع صوتك نهاااااااائى

تدريبات الصوت محتاجه تركيز وعقل مش تحدى وبس

افضل على كده لحد ما توصل ل25 ثانيه

مش شرط 25 يعنى لو 20 ثانيه تبقى تمام اوى

بس طبعا مش كل ده فى وقت واحد لا دا على مراحل يعنى مش تمسك نفسك تعمل كل دا علطول

لو عملت كله مره واحده هتيجى تغنى بعدها بساعه تلاقيك بتهيس مش بتغنى

اوك؟

بعد ما وصلت لــ أعلى من 20 ثانيه نفس فى طبقه واحده

ابدأ اعمل تدريج للطبقات

يعنى على الطبقه واعلى واعلى فى الطبقات مش تعلى صوتك بدل ما حد فى البيت يدعى عليا

وافضل على كده لفتره هتلاقيك وانت بتغنى حاسس ان نفسك بقى حلو
طبعا ده مع محاوله تخفيف السجاير شويه للى بيشرب

على فكره السجاير مش بتأثر على الصوت بتأثر على النفس

كدا عرفنا تدريب الطبقات وفتح الصوت والنفس


نيجى بقه لتدريب العرب

الاول ايه هيا العربه

كتير بيفتكر العربه هيا أأه وبس او اللعب بالصوت مثلا

العربه عباره عن حليه بتتحط فى الاغنيه بتبين جمال الصوت

وعلى فكره الحلايا انواع يعنى مش كل حليه فى الصوت تبقى عوربه

طبعا عرب اى اغنيه الى بيحطها الملحن والمطرب بكفائته ممكن يذود عليها او يظبط وده طبعا حسب صوته وخامته وعربه الاصليه

وطبعا لما نقول عرب يبقى لازم نقول الاســــــــطـــــــوره ( احمد سعد )

والفناااااااااااااااااااااااااااااااااااااااا ان خالد سليم

وتامر طبعا عربه جميله جدا

وعمرو دياب وناس كتير بجد عربهم جميله اوى

هندرب عربنا ازاى بقه ؟!!

فى اغانى كتير مليانه عرب

زى وحشتنى عيونك لأحمد سعد - خد الجميل لـــ خالد سليم - يارب انا تعبان لــــ تامر حسنى

حاول تغنى الاغانى دى وتقلد المطرب فى العرب

لان مفيش حاجه اسمها تدريب عرب

بس حاول تجيب العرب دى مع الوقت هتجيبها وهتبقى فى صوتك انت

هتغنى جبار عشان تتعلم تعمل ترلات بصوتك
وعلى فكره جبار مش عرب ( ترلات )

للبنات تغنى سميره سعيد واصاله دول من اجمل البنات الى بيعملو عرب

مش هنقول كتير فى العرب لانى شايف انها موهبه اساسا وصعب ان حد يتعلمها الا بالسمع وبس



نيجى بقه لــ ازاى احافظ على صوتى وانقيه


1\ كتر من شرب السوائل بالذات ( الليسون - الحلبه - الكركريه )
وقلل ( عصير الليمون - المانجو - الفراوله - الشاى - القهوه )

2/ هاااااااااااااااااااااااااااااام اياك تغنى اثناء الشرب او بعده على الاقل لمده نص ساعه
لان الاحبال الصوتيه بتكون فى حاله هيجيان فلازم تسيبها ترتاح الاول عشان تاخد
الفائده من المشروب الى شربته

3/ اساسى هقولك بطل سجاير وشيشه

4\ حاول بقدر امكانك متغنيش كتير فى اماكن مفتوحه

5/ اصحى بدرى واعمل التدريبات بدرى

6/ متتكلمش بصوت عالى ومتزعقش

7/ متغنيش وانت عندك برد ولا صوتك تعبان ولا عندك اى تعب فى المعده


اهم ملحوظه (((( اعمل التدريبات دى الصبح بدرى وعلى الريق من غير اكل مع شرب كوب ليسون قبل عمل التدريبات بنص ساعه على الاقل ))))

يارب اكون قدرت افيدكم على قد ما اقدر

ويارب اكون عند حسن ظنكم

وربنا يوفقنا جميعا ياااااااااااارب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

تدريبات تخص النفس وتحسين الصوت وتدريبات جميلة وسهلة للصوت

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» قوائم ابحاث في علم النفس
» شرح و تحميل برنامج تعريف الصوت و الشاشة و النت والكاميرة 2014 , تنزيل المازر بورد
» كروصة رائعة وسهلة
» اندومي على طريقة البيتزا وااااااااااااوووووو مقرمشة وسهلة التحضير في البيت
» كلمات معانيها جميلة

صلاحيات هذا المنتدى:لاتستطيع الرد على المواضيع في هذا المنتدى
كنيسة العائلة المقدسة الكاثوليكية ::  :: -